Baada ya kupiga kambi katika visiwa vya Zanzibar, wakali wa muziki wa taarab hapa nchini Jahazi usiku huo utakonga nyoyo za mashabiki wao katika ukumbi wa Travetine Hoteli Magomeni mjini Dar es Salaam.
Jahazi itaporomosha burudani katika ukumbi huo kuanzia saa tatu usiku mpaka majogoo chini ya Big Daddy Mzee Yussuf ambapo atazitambulisha nyimbo za albamu yao mpya.
Jahazi itapiga show hiyo ikiwa ni wiki moja sasa baada ya kundi hilo mahiri kukosekana katika ukumbi huo ambapo ilienda katika visiwa vya marashi ya karafu kule Zanzibar kwa ajili ya kufanya maonyesho kadhaa.
Jahazi wameahidi kutoa burudani ya aina yake katika onyesho hili ambapo wamewaomba wapenzi na mashabiki wao kujitokeza kwa wingi usiku wa leo kujionea wenyewe.
Kiongozi wa kundi hilo mahiri hapa nchini Mfalme Mzee Yussuf alisema wamejipanga vya kutosha kwa ajili ya onyesho hilo na amewaahidi wapenzi na mashabiki wao burudani ya aina yake usiku wa leo.
