WAKALI wa mipasho nchini, Jahazi wiend hii, itawasafirisha wapenzi na mashabiki wake walioko katika visiwa vya karafuu mjini Zanzibar.
Jahazi itawasili Zanzibar Ijumaa hii ambapo itafanya onyesho la kukata na shoka.
Mkurugenzi wa Jahazi Mzee Yussuf 'Big Daddy' alisema onyesho hilo litakuwa mahususi kwa mashabiki wao wa visiwani.
Alisema katika onyesho hilo, ambalo litakuwa la aina yake, wataanza kuimba nyimbo zao mpya ukiwemo wa wasiwasi wako ndio maradhi yake ambao utabeba jina la albamu.
Alisema Jumamosi bendi hiyo itarejea Dar es Salaam kuendelea na maonyesho mengine.
